Azərbaycan Beynəlxalq Bankı xarici şəbəkənin genişləndirilməsi planları barədə elan edib. ABB-nın idarə heyətinin sədr müavini Əsgər Məmmədovun Trend ə verdiyi məlumata əsasən, bank Türkiyə, Dubay, Luksemburq və Ukraynada nümayəndəliklər açmağı planlaşdırır.
Bu gün bankın Almaniya və Böyük Britaniyada nümayəndəlikləri var, Rusiyada isə "ABB-Moskva" törəmə bankı fəaliyyət göstərir. ABB bununla kifayətlənmək fikrində deyil. "Xaricdəki fəaliyyətin miqyasını genişləndirməyə və daha böyük layihələrə vəsait yatırmağa imkan verən valyuta nizamlanmasının müasirləşdirilməsi Azərbaycan banklarının inkişafı üçün stimul ola bilər" - deyə Ə.Məmmədov qeyd edib.