İstehlakçı Araşdırmaları Mərkəzi yaradılıb. Trend xəbər verir ki, mərkəzin yaradılması və qarşıda duran vəzifələri ilə bağlı iyulun 7-də mətbuat konfransı keçirilib.
Mətbuat oknfransında bildirilib ki, mərkəz istehlakçı siyasətinin formalaşması, istehlakçı hüquqlarının müdafiəsi, daxili əmtəə bazarında sağlam rəqabət mühitinin formalaşdırılması, əmtəə və xidmətlərin keyfiyyət və sanitar-epidemioloji təhlükəsizlik göstəricilərinin dünya standartları səviyyəsinə qaldırılması proseslərində fəal iştirak etmək məqsədilə yaradılıb.
O da qeyd olunub ki, ayrı-ayrı ölkələrdə istehlakçı hüquqlarının etibarlı şəkildə qorunması bu hərəkatın kütləvililiyindən bilavasitə və dolayısı ilə asılıdır. Azərbaycanda bu kütləviliyin ön plana çıxarılması günün vacib məsələlərindən biridir - milli iqtisadiyyatın, xüsusilə də yerli istehsalın ahəngdar inkişafı müəyyən mənada həm də bu amildən asılıdır.
Onu da bildirək ki, yeni yaradılan mərkəzin direktoru Şakir Ağayevdir.