Cinayət Məcəlləsinin də əlavə və dəyişikliyə ehtiyacı var. Bu barədə Trend ə Milli Məclisin hüquqi siyasət və dövlət quruculuğu məsələləri daimi komissiyasının üzvü, Ana Vətən Partiyasının sədri Fəzail Ağamalı bildirib.
Millət vəkili bildirib ki, cəmiyyət inkişaf etdikcə qəbul olunan qanunvericilik aktlarına da əlavə və dəyişikliklər edilməlidir: "Hələ bir neçə ilə bundan öncə qəbul olunan sənədlərin özü belə indiki inkişafla uyğunluşmır. Ona görə də hər bir qanın mövcud reallıqlara uyğunlaşdırılmalıdır. Cinayət Məcəlləsi də o cümlədən sistemli şəkildə dəyişilməli və reallıqla uyğunlaşmayan müddəları yenisi ilə əvəz olunmalıdır".
Qeyd edək ki, Milli Məclisin inzibati və hərbi qanunvericilik şöbəsində Cinayət Məcəllsinə əlavə və dəyişikliklərin edilməsi ilə bağlı işçi qrupu yaradılıb. F.Ağamalı isə qeyd edib ki, təmsil olduğu komissiyada bu məsələ ilə bağlı hər hansı bir işçi qrupu yaradılmayıb.
