Azərbaycan Milli Bankı bəzi banklarda diaqnostik yoxlamalara başlayıb. İdarə heyəti üzvü, AMB-nin baş direktoru Rüfət Aslanlının Trend ə xəbər verdiyi kimi, yoxlamalar bank kapitallarının keyfiyyət və kəmiyyət parametrlərinin yoxlanması məqsədi ilə keçirilir. Milli Bankın normativ tələbinə əsasən, Azərbaycanda hər bir bankın ümumi kapitalı 6,400 mln. manat təşkil etməlidir.
R.Aslanlının sözlərinə görə, yaxın həftə ərzində dəqiqləşdirmələr aparılacaq, həmçinin bankların ayın 15-ə qədər təqdim etdiyi bank hesabatları təhlil ediləcək. Sonra təhlilin nəticələri AMB-nin idarə heyətinə təqdim olunacaq və burada qəti qərar qəbul olunacaq. AMB-nin baş direktoru normativ tələblərin yerinə yetirilməsinin qiymətləndirilməsinin hələ tez olduğunu hesab edib.
Bir qədər əvvəl o deyib ki, "Biz xüsusi problem görmürük və 1 iyul 2006-cı il tarixinə normativ tələbi yığa bilməyən bütün banklar, səhmdarlarla görüş və əminlik bizə ümid verir. Kapital artımının bu günkü tendensiyası da optimizm yaradır".
AMB idarə heyəti tərəfindən təsdiq edilmiş qrafikə görə, 1 yanvar 2007-ci il üçün təsdiq edilmiş növbəti normativ tələb 8,200 mln. manat təşkil edir, 1 iyul 2007-ci ilə qədər isə bankların ümumi kapitalı 10 mln. manatdan az olmamalıdır.
