Strasburqda Avropa Şurasının "çirkli" pulların yuyulması üzrə ekspert qrupunun növbəti plenar iclası (iyulun 3-7-də) keçirilib. Bu barədə Trend ə AMB-nin baş direktoru, "çirkli" pulların yuyulması ilə mübarizə üzrə idarələrarası işçi qrupunun rəhbəri Rüfət Aslanlı bildirib.
Onun sözlərinə görə, Azərbaycan bu iclasda "çirkli" pulların yuyulmasına əks təsir (FATF) üzrə İqtisadi əməkdaşlıq və inkişaf təşkilatının (OECD) yuyulmaya müqavimət üzrə Maliyyə tədbirləri qrupunun 40 tələbinə və maliyyə terrorunun qarşısının alınması üzrə 9 tələbə uyğunlaşmaq üçün ölkə tərəfindən keçirilən tədbirlər üzrə aralıq məruzə ilə çıxış edib.
"Konstruktiv müzakirələr aparılıb. Tələblərin yerinə yetirilməsi üzrə Azərbaycana kifayət qədər obyektiv qiymət verilib və bu prosesdə tərəqqi olduğu qeyd olunub", - deyə R.Aslanlı bildirib.
İldə üç dəfə keçirilən Moneyval-ın hər iclasında ölkələr pulların yuyulması və terrorun maliyyələşdirilməsi ilə mübarizə istiqamətində görülmüş işlər haqqında məlumat verir.
Hazırda hökümətlərarası qrup 2006-cı ildə olacaq qiymətləndirmənin ikinci raunduna hazırlaşır, çünki bu il üçün Moneyval- ın qiymətləndirmə proqramı var, lakin Azərbaycanın bu ölkələrin siyahısına düşüb düşməyəcəyi hələ məlum deyil.
"Hələ Azərbaycanın qiymətləndirilməsi barədə məlumat yoxdur, istənilən halda Moneyval-ın hər iclası - qiymətdir, belə ki, bu institusional orqan özü özünü qiymətləndirir və iclaslarda kollektiv surətdə müzakirələr aparılır", - deyə R.Aslanlı qeyd edib.
Bununla yanaşı, hökümət, xüsusilə qanun layihəsinin təsdiqi üzrə bütün lazımi tədbirləri görməyə çalışır. Prezident aparatında "Pulların yuyulması və terrorun maliyyələşdirilməsi ilə mübarizə haqqında" qanun layihəsinin ilk müzakirələri olub. Tezliklə qanun layihəsi Milli Məclisə daxil olacaq. Qanun layihəsinin işlənib hazırlanması, növbəti mərhələdə isə maliyyə kəşfiyyatı orqanının yaradılması Moneyval-ın əsas tələblərindən biridir.
Azərbaycanın qiymətləndirməsinin birinci raundu 2003-cü ilin may ayında keçirilib. Bunun əsasında Azərbaycan FATF-in yenilənmiş standartlarına uyğun ölkələrin kateqoriyasına aid edilib. Bu andan standartlara terrorun maliyyələşdirilməsinə əks təsir haqqında yeni standart əlavə olunub.
