...

İndoneziyada Azərbaycan ilə ticari-iqtisadi əlaqələrin perspektivləri müzakirə olunub

Biznes və iqtisadiyyat xəbərləri Materials 27 İyul 2006 15:05 (UTC +04:00)

Azərbaycanın İndoneziyadakı səfiri İbrahim Hacıyev Azərbaycan ilə İndoneziya arasında ikitərəfli əməkdaşığın inkişaf imkanlarını müzakirə etmək üçün bu ölkənin energetika və təbii sərvətlər naziri Purnomo Yusqiantoro və sənaye naziri Fəhmi İdrislə görüşüb. Bu barədə Trend ə Azərbaycan XİN-dən məlumat verilib. Səfir Ermənistan-Azərbaycan, Dağlıq Qarabağ münaqişəsinin Azərbaycanın ərazi bütövlüyü və suverenliyi əsasında həllində İndoneziyanın göstərdiyi köməyə görə minnətdarlığını bildirib. Diplomat Azərbaycan tərəfinin hazırladığı "Azərbaycan Respublikası və İndoneziya hökumətləri arasında sənaye və energetika sahələrində əməkdaşlığın prinsipləri haqqında saziş"in layihəsini energetika və təbii sərvətlər nazirinə təqdim edib.

F.İdris və P.Yusqiantoro İndoneziyada Azərbaycan səfirliyinin açılmasını yüksək qiymətləndirib və əməkdaşlığa hazır olduqlarını vurğulayıb. Azərbaycvan tərəfin təqdim etdiyi saziş layihəsinə baxılacağını qeyd edən nazirlər əlaqələri inkişaf etdirmək üçün hər iki ölkənin işgüzar adamlarının görüşünü təşkil etməyi təklif edib. Səfir bildirib ki, biznes-forumun keçirilməsi təklifi artıq İndoneziyanın Sənaye və Ticarət Palatası ilə razılaşdırılıb.

P.Yusqiantoro zəngin neft və qaz ehtiyatlarına malik olan, Azərbaycanın Dövlət Neft Şirkəti ilə İndoneziyanın "Pertamina" Dövlət Neft Şirkəti arasında əməkdaşlıq əlaqələrinin qurulmasını təklif edib. O, xüsusilə bu faktı da qeyd edib ki, vaxtilə Azərbaycanda neft-qaz sahəsi üzrə təhsil almış 10 mütəxəssis indi İndoneziyanın neft sənayesinin inkişafına öz töhfəsini verir.

Xəbər lenti

Xəbər lenti