Azərbaycan höküməti Hacıqabul-Yevlax və Qazax - Gürcüstan sərhədi (cəmi 222 km) avtomobil yollarının maliyyələşdirilməsi və onlarda ikinci zolağın (birinci kateqoriyalı dörd zolaqlı yolun) yaradılması mövzusunda Fransanın BNP Paribas bankı ilə danışıqlar aparır. Trend xəbər verir ki, bu barədə Azərbaycanın Nəqliyyat Nazirliyinin "Yolnəqliyyatservis" departamentinin başçısı Cavid Qurbanov bildirib.
Güman edilir ki, bank 300 mln. ABŞ dolları ayıracaq. Departamentin başçısının qeyd etdiyi kimi, hazırda bankla kreditin verilmə şərtləri müzakirə olunur. Azərbaycan kreditin 4 ildən artıq (bank 3 il təklif edir) güzəşt dövrü ilə 20 il müddətinə (bankın təklifi - 15 il) verilməsini təklif edir.
Gəncə -Qazax (94 km) yolunun genişləndirilməsinə 120 mln. ABŞ dolları ayırmağa hazır olan Dünya bankı və Yevlax-Gəncə (88,8 km) yolunun genişləndirilməsinə 120 mln. ABŞ dolları verməyə hazır olan ilə Koreyanın Woopi bankı ilə də analoji danışıqlar aparılır.
Dünya bankı həmçinin Tağıyev-Sahil (40 km), Muğanlı - Yevlax (145 km), Hacıqabul - Beyləqan (118 km), Mingəçevir st. - Beyləqan (145 km) avtomobil yollarının yenidən qurulmasına vəsait ayırmaq niyyətindədir.