...

Sentyabrın əvvəlində "Sığorta haqqında" qanun layihəsi hökümətə göndəriləcək

Biznes və iqtisadiyyat xəbərləri Materials 26 Avqust 2006 15:08 (UTC +04:00)

Trend-i buradan izləyin

Azərbaycanın Maliyyə Nazirliyi "Sığorta haqqında" qanun layihəsi üzərində işləri, demək olar ki, tamamlayıb. "Hazırda qanun layihəsinin kanadalı məsləhətçi Lawrie Savage & Associates Inc. şirkəti tərəfindən redaktə edilmiş variantı tərcümə mərhələsindədir. Və sentyabrın əvvəlində onun açıqlanması nəzərdə tutulub. Bunun üçün həmin variant müvafiq dövlət orqanlarının müzakirəsinə təqdim olunacaq", - deyə Maliyyə Nazirliyinin dövlət sığorta nəzarəti şöbəsinin yeni başçısı Namiq Xəlilov Trend ə bildirib.

Onun sözlərinə görə, sənədlə tanış olarkən məsləhətçi artıq Maliyyə Nazirliyi tərəfindən hazırlanmış qanun layihəsinə əsaslanıb. "Lawrie Savage & Associates Inc. şirkəti hesab edib ki, sənəd yüksək hazırlıq səviyyəsindədir. Ona görə də o, sığorta şirkətlərində korporativ idarə və maliyyə sabitliyi ilə bağlı məsələlərlə yaxınlaşma nöqteyi-nəzərindən gücləndirilib", - deyə Maliyyə Nazirliyinin şöbə müdiri qeyd edib. Onun sözlərinə görə, layihə konseptual surətdə dəyişilməyib.

Yeni qanunda həmçinin sığorta edənlər tərəfindən sərmayələşdirmə məsələləri də dəqiq surətdə qeyd edilib. Və N.Xəlilovun qeyd etdiyi kimi, dövlət qiymətli kağızlarının etibarlığını nəzərə alaraq, qiymətli kağızlara kapital qoyuluşunda heç bir məhdudiyyət olmayacaq. Dövlət qiymətli kağızları bazarında iştirak üçün məhdudiyyətlərin aradan qaldırılması haqqında təklifi Bakı fond birjası irəli sürüb.

Hazırda ölkənin sığorta bazarının fəaliyyəti 1999-cu ildən etibarən Azərbaycanda qüvvədə olan analoji sənədlə tənzimlənir. Lawrie Savage & Associates Inc. Şirkəti Dünya bankının vasitəçiliyi ilə təqdim edilmiş FİRST İnitiative proqramının qrantı hesabına Azərbaycanın sığorta qanunvericiliyinin təkmilləşdirilməsi və sığortada islahatların davam etdirilməsinə texniki yardım üzrə 325 min ABŞ dolları dəyərində müqavilə çərçivəsində fəaliyyət göstərir.

Xəbər lenti

Xəbər lenti