...

Azərbaycan höküməti su layihəsi üzrə KFW və SECO ilə müqavilələr imzalayıb

Biznes və iqtisadiyyat xəbərləri Materials 29 Avqust 2006 16:56 (UTC +04:00)

Trend-i buradan izləyin

Bu gün Gəncə və Şəkidə su şəbəkələrinin yenidən qurulması layihəsi üzrə Almaniya yenidənqurma bankı (KFW) və İsveçrənin İqtisadi əlaqələr üzrə Dövlət katibliyi (SECO) ilə maliyyələşdirmə haqqında müqavilələr paketi və xüsusi sazişlər imzalanıb.

Azərbaycanın Nazirlər Kabinetindən Trend ə verilən məlumata görə, sənədlər hələ birtərəfli qaydada baş nazirin müavini Abid Şərifov tərəfindən imzalanıb. KFW, Maliyyə Nazirliyi, "Azərsu", "Gəncə su kanalı" və "Şəki su kanalı" törəmə səhmdar cəmiyyətləri arasında xüsusi sazişləri nəzərdə tutan sənəd hələ "Azərsu"nun sədri Nizaməddin Rzayev tərəfindən imzalanmalıdır.

Sonra sənədlər paketi analoji prosedurdan keçmək üçün KFW və SECO-ya göndəriləcək. Prosedurlara əsasən, müqavilələr Azərbaycan parlamentində təsdiq olunduqdan sonra qüvvəyə minəcək.

3,5-4 il müddətinə nəzərdə tutulmuş layihənin ilk fazasının dəyəri 54,6 mln. avro həcmində razılaşdırılıb. Bu məbləğdən 37 mln. avro (25,85 mln. avro yeni kredit və qalanları İmişlidəki analoji işlərdən qalıq) KFW tərəfindən, 10 mln. avro qrant şəklində İsveçrənin İqtisadi əlaqələr üzrə Dövlət katibliyi (SECO) tərəfindən veriləcək, 7,6 mln. avro isə Azərbaycan hökümətinin payı hesabına ödəniləcək.

Xəbər lenti

Xəbər lenti