Sentyabrın 1-nə olan məlumata görə, Azərbaycanda üzüm yığımı 20382 ton təşkil edib. Bu barədə Trend ə Kənd Təsərrüfatı Nazirliyindən məlumat verilib. Bu il əkin sahəsi (9641 ha) daha 2 min ha genişləndirilib. 2006-cı ildə üzüm istehsalı 80 min ton həcmində proqnozlaşdırılıb.
Nazirlikdən hesab olunur ki, üzümün yığım həcmi müəyyən proqnozları keçəcək.
2008-ci ilədək Azərbaycanda 6 min ha sahədə üzüm bağları salınacaq.
Nazirliyin məlumatına görə, 2005-ci ildə üzüm yığımı 79 654 ton təşkil edib. Əkin sahəsi 9641 ha olub ki, məhsul da 7355 ha sahədən yığılıb.
2004-2008-ci illərdə regionların sosial-iqtisadi inkişafı üzrə dövlət proqramı müxtəlif regionlarda yeni plantasiyaların salınmasını nəzərdə tutur. Proqrama əsasən, hər il Cəlilabad, Qazax, Xanlar, Kürdəmir və Tovuzda 100-150 ha sahədə yeni üzümlüklər salınır, Xanlar, Cəlilabad, Şamaxı rayonlarında Fransadan gətirilmiş növlər yetişdirilir.
