...

AMB DB missiyasına Azərbaycanın maliyyə sisteminin dəstəklənməsi üzrə ikinci layihə ilə bağlı təkliflər təqdim edəcək

Biznes və iqtisadiyyat xəbərləri Materials 16 Sentyabr 2006 15:04 (UTC +04:00)

Trend-i buradan izləyin

Ölkənin maliyyə sisteminin dəstəklənməsi üzrə ikinci layihənin hazırlanmasına dair məsləhətləşmələr aparmaq üçün sentyabrın sonunda Dünya Bankı (DB) missiyasının Bakıya səfəri gözlənilir. Azərbaycan Milli Bankının (AMB) baş direktoru Rüfət Aslanlının Trend ə verdiyi məlumata görə, AMB artıq layihə ilə bağlı təkliflər hazırlayıb və onları DB missiyasına təqdim etmək üçün səfərədək bütün daxili nüansların razılaşdırılması nəzərdə tutulub.

Layihənin konsepsiyası ondan ibarətdir ki, DB layihəni həm maliyyə nöqteyi nəzərindən, həm də texniki yardım baxımından dəstəkləməyə hazırdır.

"Layihənin dəyəri qiymətləndirildikdən sonra müəyyən olunacaq. Bizim üçün nə qədər vəsaitin ayrılacağı vacib deyil. Əsas olanı isə bu cür beynəlxalq maliyyə institutları ilə əməkdaşlıqdır", - deyə R. Aslanlı qeyd edib.

İlkin məlumatlara görə, bu, praktiki olaraq, ölkənin maliyyə sektorunun dəstəklənməsi üçün Beynəlxalq İnkişaf Assosiasiyasının (BİA) şərtləri əsasında ayrılmış sonuncu kredit olacaq. Bu layihəyə bankın 2007-ci maliyyə ili üçün (2006-ı ilin iyulundan başlayıb və 2007-ci ilin iyunun 30-da başa çatacaq) təsdiq olunmuş limit çərçivəsində BİA vəsaitlərinin istifadə olunmamış qalığını yönəltmək nəzərdə tutulub. Müvafiq olaraq, layihənin büdcəsi kredit resurslarının qalıqları qurtardıqdan sonra müəyyən olunacaq.

Azərbaycanın maliyyə sektoruna texniki yardım üzrə birinci layihəyə DB $5,4 mln. məbləğində vəsait ayırıb.

Xəbər lenti

Xəbər lenti