...

Oktyabr ayında yeni gömrük məcəlləsi Azərbaycan parlamentinə təqdim olunacaq

Biznes və iqtisadiyyat xəbərləri Materials 25 Sentyabr 2006 15:02 (UTC +04:00)

Trend-i buradan izləyin

Azərbaycanın yeni gömrük məcəlləsi üzərində görülən işlərin oktyabr ayında tamamlanması və məcəllənin parlamentə təqdim olunması planlaşdırılıb. Bu barədə Azərbaycanda Gömrük sisteminin təkmilləşdirilməsi layihəsinin hüquqşünaslıq üzrə eksperti Soltan Hadıyev Trend ə məlumat verib.

"Yeni məcəllənin parlamentin qış toplantısının gündəliyinə daxil ediləcəyi istisna olunmur", - deyə ekspert vurğulayıb.

Əcnəbi ekspertlərin fikrincə, yeni məcəllə Azərbaycanın Avropaya inteqrasiyasına xeyli təsir göstərəcək, gömrük prosedurlarının şəffaflığını və sadələşdirilməsini, ölkəyə xarici investisiyaların cəlb olunmasının səmərəliliyini təmin edəcək.
İndiyədək Avropa Komissiyasının vəsaitləri hesabına maliyyələşdirilən və BMT-nin İnkişaf Proqramı (UN DP) ilə gerçəkləşdirilən illik layihə çərçivəsində Estoniya və İsveçin gömrük sahəsində təcrübəsini öyrənmək üçün Azərbaycanın gömrük orqanlarının mütəxəssis və nümayəndələrinin həmin ölkələrə səfəri təşkil olunub. Yanvar ayında başlanmış 900 min avro dəyərində layihənin məqsədi gömrük sahəsində qanunverici bazanın təkmilləşdirilməsində, onun dünya standartlarına, o cümlədən Avropa Birliyinin gömrük məcəlləsinə uyğunlaşdırılmasında Dövlət Gömrük Komitəsinə (DGK) yardımın göstərilməsindən, DGK-nin informasiya texnologiyalarının inkişaf strategiyasının təkmilləşdirilməsi və gerçəkləşdirilməsindən ibarətdir.

Qeyd edək ki, Azərbaycanda ilk gömrük məcəlləsi 1997-ci ildə qəbul olunub.

Xəbər lenti

Xəbər lenti