2006-cı ilin yanvar-avqust aylarında Naxçıvan Muxtar Respublikasında (NMR) nəqliyyat müəssisələri və fiziki şəxslər tərəfindən 4632,4 ton yük və 29680,9 min sərnişin daşınıb. Bu barədə Trend ə NMR-in Bakıdakı daimi nümayəndəliyindən məlumat verilib. 2005-ci ilin həmin dövrü ilə müqayisədə yük daşımaları 6%, sərnişin daşımaları 5,1% artıb.
Xidmətin hər iki istiqamətindən 16455,7 min manat gəlir əldə olunub, bu isə 2005-ci ilin analoji dövründən 11,3% çoxdur. Əldə olunmuş gəlirdən 11516,2 min manat və ya 70%, 4608 min ton yük daşımaları, 28181 min nəfər insan özəl sektor müəssisələrinin payına düşüb.
Dövlət müəssisələri tərəfindən 24,4 min ton yük, 1499,9 min sərnişin daşınıb, ötən illə müqayisədə sərnişin daşınması 11,5 dəfə, yük daşınması 4,5 dəfə artıb. Yanvar- iyul aylarında nəqliyyat sahəsində 1668 nəfər çalışıb, bu isə 2005-ci ilin həmin dövründən 6% çoxdur. Hər işçinin orta aylıq əmək haqqı 45,1% artaraq 120 manata çatıb.
