"Azərbaycan Alüminiumu" ASC iş paltarı və tikinti materiallarının satın alınması üzrə tenderin baş tutmadığını bildirib. Trend ASC-yə istinadən xəbər verir ki, tender dörd lot - Sumqayıt alüminium zavodu üçün 150 min kərpicin alınması və istehsalat ərazilərinə çatdırılması, Sumqayıt alüminium zavodu və "Gil Torpaq" Gəncə İstehsalat birliyinin işçiləri üçün payız-qış dövrü üçün iş paltarının alınması, Sumqayıt alüminium zavodu üçün 1260 m3 qeyri-standart lövhələrin və Gil Torpaq üçün 2310 ton söndürülmüş əhəngin alınması üzrə elan olunmuşdu.
Tenderdə iştirak etmək istəyən şəxslər öz təkliflərini oktyabrın 4-ə qədər təqdim etməli idirlər. Lakin tenderdə 3-dən az iddiaçı iştirak etdiyindən Azərbaycanın "Dövlət satınalmaları haqqında" Qanununun 11.1 maddəsinə əsasən, tender baş tutmayıb və ASC tenderi davam etdirməkdən imtina edib.