Qars-Axalkalaki-Tiflis-Bakı dəmiryol marşrutunun açılması layihəsinin gerçəkləşdirilməsinə 2007-ci ilin əvvəlində başlanması planlaşdırılır. Trend in xəbər verdiyi kimi, bu barədə oktyabrın 13-də Azərbaycanın nəqliyyat naziri Ziya Məmmədov məlumat verib. Onun sözlərinə görə, bu layihə mütləq gerçəkləşdiriləcək.
"Hesab edirəm ki, Gürcüstanın iqtisadi inkişaf naziri İrakli Çoqovadze ilə bugünkü görüş uğurlu olacaq. Biz layihənin müzakirəsini davam etdirəcəyik", - deyə nazir qeyd edib.
"Bu layihə regionda daşımalar üzrə böyük əhəmiyyət kəsb edəcək. Eyni zamanda layihə yüklərin Türkiyə ərazisi ilə Avropaya nəqlini həyata keçirməyə imkan verəcək. Hazırda dəmir yolunun keçəcəyi Bosfor boğazı altında tunel inşa edilir", - deyə Z.Məmədov qeyd edib.
Tərəflər maliyyə məsələsini müzakirə edir", - deyə o əlavə edib.
