Əmanətlərin geri qaytarıldması ilə bağlı hazırlanan qanun layihəsi Prezident Aparatındadır. Trend xəbər verir ki, bu barədə Milli Məclisin iqtisadi siyasət məsələləri daimi komissiyasının sədri, akademik Ziyad Səmədzadə vətəndaşların keçmiş sovet banklarında qalan əmanətlərin qaytarılması ilə bağlı məsələyə münasibət bildirərkən qeyd edib.
Millət vəkili bildirib ki, qanun layihəsi üzərində iş aparılır: "Kapitalbank" hesablamalarla məşğuldurr. Təxminən 1,9 milyon nəfərin əmanətlərindən söhbət gedir. Təqribi hesablamalara görə, əmanətlərin qaytarılmasına 500-600 milyon dollar sərf ediləcək".
Z.Səmədzadə qeyd edib ki, qanun layihəsi parlamentə daxil olduqdan sonra müzakirələr aparılacaq. Millət vəkili onu da vurğulayıb ki, əmanatçilərə pulun hansı faizlə qaytarılması hələlik dəqiqləşdirilməyib.
