...

Mart ayının sonunadək Azərbaycanın Nəqliyyat Nazirliyi ADDY -nin restrukturlaşdırılması üzrə təkliflər alacaq

Biznes və iqtisadiyyat xəbərləri Materials 16 Oktyabr 2006 13:28 (UTC +04:00)

Trend-i buradan izləyin

Azərbaycan hökümətinin məsləhətçisi - Yaponiyanın Fadeko şirkəti 2007-ci il mart ayının sonunadək Azərbaycan Dövlət Dəmir Yolunun (ADDY) restrukturlaşdırılması üzrə təkliflər təqdim edəcək. Bu barədə Trend xəbər verir. Nəqliyyat nazirinin müavini Musa Pənahovun bildirdiyi kimi, bu, hazırki şəraitdə islahatların keçirilməsinin səmərəliliyi və məqbulluğunun öyrəniləcəyi ilkin layihə olacaq. Bundan sonra ADDY-nin restrukturlaşdırılmasının keçirilmə müddəti müəyyənləşdiriləcək.

ADDY-nin restrukturlaşdırılması üzrə təkliflər 2007-ci il mart ayının sonuna qədər təqdim olunmalıdırlar. "Bu, hazırki şəraitdə islahatların keçirilməsinin səmərəliliyi və məqbulluğunun öyrəniləcəyi ilkin layihə olacaq, sonra ADDY-nin restrukturlaşdırılmasının keçirilmə müddəti müəyyənləşdiriləcək. Real işlərin görülməsi üçün strukturun özünü maliyyə cəhətdən yaxşılaşdırmaq lazımdır. Onun infrastrukturunun maliyyə cəhətdən yaxşılaşdırmadan və müvafiq vəziyyətə gətirmədən islahatların keçirilməsi çox çətin olacaq. Bu iş 1-1,5 il davam edə bilər, bu, hələ məlum deyil, lakin işləri 2008-ci ildən başlamaq real deyil", - deyə nazir müavini qeyd edib.

Məsləhətçi Dünya bankının 900 min ABŞ dolları məbləğində qrantı hesabına cəlb olunub. Qrant dəmir yolunun inkişafının nəzərdə tutulduğu nəqliyyat ticarətinin dəstəklənməsi strategiyası çərçivəsində DB-dən 100 mln. ABŞ dolları həcmində kreditin alınmasına hazırlıq üçün ayrılıb. Bundan əlavə, AYİB-in 30 mln. ABŞ dolları həcmində krediti çərçivəsində həmçinin ADDY-nin restrukturlaşdırılması və onun səhmləşdirilməsi üzrə öhdəliklər qoyulub.

Xəbər lenti

Xəbər lenti