...

Azərbaycanın Dövlət Xəzər Dəniz Gəmiçiliyi iki köhnə quru mal daşıyan gəmini satışa çıxarıb

Biznes və iqtisadiyyat xəbərləri Materials 27 Oktyabr 2006 15:40 (UTC +04:00)

Xəzər Dəniz Gəmiçiliyi öz ehtiyatını sərf etmiş iki köhnə quru mal daşıyan gəmini satışa çıxarıb. Onların satışından əldə olunmuş vəsaitlərə yeni quru mal daşıyan gəmilərin alınması nəzərdə tutulub. Trend xəbər verir ki, bu barədə Azərbaycan Dövlət Xəzər Dəniz Gəmiçiliyinin rəisi Aydın Bəşirov məlumat verib. Bu gəmilər uzun müddətdir ki, işləyir və ona görə də gəmi sahibləri onlardan istifadə etmir.

Hazırda Azərbaycan Dövlət Xəzər Dəniz Gəmiçiliyi yeni quru mal daşıyan gəmilərin alınması imkanını nəzərdən keçirir. Beş gəmidən ibarət seriyanın alınması məsələsinə baxılır.

Lakin, A.Bəşirovun qeyd etdiyi kimi, əgər Azərbaycanda gəmiqayırma müəssisəsinin tikintisi qısa müddətdə başa çatsa, o zaman bu gəmilərin inşası Azərbaycanda həyata keçirilə bilər. Gəmilər bu işdə təcrübəsi olan digər gəmiqayırma zavodlarının texnologiyalarının tətbiq olunması ilə inşa ediləcək.

Xəbər lenti

Xəbər lenti