...

Milli Məclisin iclaslarının keçirilməməsi deputatların "2007-ci ilin dövlət büdcəsi haqqında" sənədlə tanış olmaları ilə bağlıdır

Biznes və iqtisadiyyat xəbərləri Materials 30 Oktyabr 2006 14:08 (UTC +04:00)

Trend-i buradan izləyin

Milli Məclisin növbəti iclaslarının keçirilməməsi millət vəkillərinin "2007-ci ilin dövlət büdcəsi haqqında" qanun layihəsi ilə tanış olmaları ilə bağlıdır. Bu barədə Trend ə Milli Məclisin müdafiə və təhlükəsizlik məsələləri daimi komissiyası sədrinin müavini Aydın Mirzədadə parlamentin iclaslarının oktyabrın 20-dən sonra keçirilməməsi ilə bağlı mətbuatda yazılanlara münasibət bildirərkən qeyd edib.

Onu da bildirək ki, Milli Məclisin iclaslarının keçirilməməsi müxtəlif səbəblərlə əlaqələndirilib.

A.Mirzəzadə isə qeyd edib ki, "2007-ci ilin dövlət büdcəsi" layihəsi millət vəkillərinə ötən iclasda paylanıb: "Çü böyük hissədən ibarət olan bu sənədlə tanış olmaq lazımdır. Bundan sonra isə sənəd komissiyalarda müzakirə olunmalıdır. Bu isə qısa vaxt tələb etmir".

Qeyd edək ki, prezident İlham Əliyev "2007-ci ilin dövlət bödcəsi" layihəsini təsdiq edərək parlamentə göndərib. 2007-ci ildə dövlət bödcəsinin gəlirləri 5 335 700 min. AZN, xərcləri isə 5 714 700 min. AZN təşkil edəcək. Büdcənin mərkəzləşdirilmiş gəlirləri 5 169 173,9 min AZN, yerli gəlirləri 166 526,1 min AZN, mərkəzləşdirilmiş xərcləri 4 986 594,8 min AZN, yerli xərcləri isə 728 105,2 min AZN məbləğində təsdiq edilib.

Gələn ilin dövlət büdcəsinin xərclərinin 3 548,3 mln. AZN-i cari xərclər, 2 122,4 mln. AZN-ni əsaslı xərclər, 44 mln. AZN-ni isə kreditlər və faizlərə xidmətlə bağlı xərclər təşkil edir. Dövlət büdcəsi kəsirinin yuxarı həddi 379 min AZN məbləğində təsdiq edilib ki, bunun da maliyyələşdirilməsi özəlləşdirmədən daxilolmalar, dövlət istiqrazlarının ölkə daxilində və xaricində yerləşdirilməsi və digər mənbələr hesabına həyata keçiriləcək.

Xəbər lenti

Xəbər lenti