Fitch Ratings noyabr ayında suveren reytinqin mənimsənilməsi üçün Azərbaycanın qiymətləndirilməsinə başlayacaq
Ölkəyə 2006-cı il üzrə suveren reytinqin təltif olunması məqsədilə Azərbaycanda iqtisadi vəziyyətin icmalının aparılması üçün noyabrın 20-23-də Fitch Ratings beynəlxalq reytinq agentliyinin nümayəndələrindən ibarət heyətin Bakıya səfəri gözlənilir.
Maliyyə Nazirliyindən Trend ə verilən məlumata görə, agentliyin Moskva ofisi sonradan reytinqin təltif olunması üçün artıq Fitch agentliyini maraqlandıran sualları göndərib. Hazırda suallar məlumatların toplanması üçün müvafiq nazirlik və idarələrə göndərilib.
Azərbaycana yenilənmiş reytinqin 2006-cı ilin sonunadək təltif olunması gözlənilir. İlin əvvəlində Fitch Ratings təsdiq edib ki, Azərbaycanın xarici və milli valyutada suveren reytinqləri əvvəlki - BB (2004-cü ildə olduğu kimi) səviyyəsində saxlansa, proqnoz "sabitdir". Eyni zamanda agentlik B səviyyəsində qısamüddətli reytinqi və "ölkə həddi" reytinqi - BB səviyyəsində təsdiq edib.
Ölkənin qiymətləndirilməsi 2005-ci ilin iyul ayında Maliyyə Nazirliyi və Fitch Ratings agentliyi arasında üç illik müqaviləyə əsasən həyata keçiriləcək. Əldə olunmuş razılığa görə reytinq agentliyi 2005-07-ci illər ərzində suveren reytinqin verilməsi məqsədilə ölkədə icmal aparacaq. Fitch agentliyinin xidmətlərini ödəmək üçün Maliyyə Nazirliyi hər il dövlət büdcəsinə təxminən 40 min funt sterlinq keçirəcək.
Azərbaycan 14 sentyabr 2006-cı ildə ilk dəfə Moody's Investor Services ikinci beynəlxalq agentlikdən reytinq alıb və agentlik ölkəyə Fitch Ratings versiyası üzrə reytinqdən bir pillə yüksək və investisiya səviyyəsindən bir pillə aşağı suveren reytinq təltif edib. Moody's agentliyinin qiymətləndirmələrinə görə, ölkəyə Ba1 səviyyəsində reytinq verilib.
Hökümət 2007-ci ildə hər iki agentlikdən investisiya reytinqi alacağına ümid edir.
