Bakıda ilk dəfə "Mehmanxana İşi" (HotelExpo Azerbaijan 2007) Azərbaycan Beynəlxalq Sərgisi keçiriləcək. Trend sərginin təşkilatçısı, ITE Group PLC şirkətinin Zaqafqaziyada eksklüziv tərəfdaşı İteca Caspian LLC şirkətinə istinadən xəbər verir ki, sərgi aprelin 18-20-də Heydər Əliyev adına İdman-Sərgi kompleksində keçiriləcək.
"Restoran və mehmanxana işi üzrə HotelExpo beynəlxalq sərgisi - qonaqpərvərlik sənayesi müəssisələri üçün avadanlıq, texnologiya, mal və xidmətlərin istehsalçı və tədarükçüləri arasında səmərəli və qarşılıqlı mənfəətli əlaqələri qurmağa imkan verən hadisədir", - deyə şirkətdə hesab edirlər.
Sərgiyə mehmanxana üçün texnologiya, material, avadanlıq və xidmətlərin, konqres-holl, istirahət evləri, restoran, bar, klub və əyləncə mərkəzlərinin istehsalçıları və tədarükçüləri gələcək. Sərginin əsas bölmələri aşağıdakılardır:
-Delikateslər, elitiçkilər, siqarlar
- Mətbəx və zal üçün avadanlıq
- Bar və qəhvəxana avadanlığı
- Qab-qacaq və masanın düzəldilməsi
-Dizayn və interyerin düzəldilməsi
-Mehmanxana, restoran və klublar üçün avadanlıq
-Tekstil və uniforma
-Səs, işıq və proyeksiya avadanlığı
- Bilyard üçün avadanlıq
-Hamam otağı və idman zalları üçün avadanlıq
-Peşəkar təmizlik
- Kimyəvi təmizləmə, çamaşırxana
-Gigiyena vasitələri
-Təhlükəsizlik və çıxışa nəzarət
- Rabitə və idarənin avtomatlaşdırılması
- Kassa və ödəniş sistemləri
- Personal seçimi
-Konfrans və video-konfranslar üçün avadanlıq
-Konfrans -zallar üçün mebel
- Konfransın təşkili üzrə xidm ətlər
Sərgilərin keçirilməsində rəsmi dəstəyi İqtisadi İnkişaf Nazirliyi, Bakı şəhəri İcra hakimiyyəti, Mədəniyyət və Turizm Nazirliyi, Ticari-sənaye palatası, Azərbaycan ixracın və investisiyaların təşviqi fondu, Azərbaycan sahibkarlar konfederasiyası və TUSİAB göstərəcək.