...

Məsləhətçilər Azərbaycanın iki iqtisadi zonasında regional inkişafa dəstək üzrə "Tacis" layihəsinin realizəsinə başladılar

Biznes və iqtisadiyyat xəbərləri Materials 15 Dekabr 2006 10:29

Trend-i buradan izləyin

Azərbaycanda regional inkişafa dəstək layihəsinin GDSI Ltd/Ecorys Nederland B.I./S.I.C.I. Dominus (İspaniya) məsləhətçisi layihənin realizəsinə başlayıb.

Avropa İttifaqının Azərbaycan üzrə texniki yardım proqramı bürosunun icraçı direktoru Əsgər Ələkbərovun Trend ə verdiyi məlumata görə, artıq mütəxəssislər Bakıya göndərilib və hazırda təşkilati məsələlər həll edilir. 3,5 mln. avro dəyərində olan layihə 30 ay müddətinə nəzərdə tutulub. Bu layihəyə iki pilot rayon - mərkəzi Şəki (Şəki-Zaqatala zonası) və Mingəçevir (Aran zonası) olmaqla iqtisadi zonalar daxil edilib. Avropa İttifaqının texniki yardım proqramı (Tacis) çərçivəsində Azərbaycanda İqtisadi İnkişaf Nazirliyinin region üzrə departamentlərin gücləndirilməsi, treninqlər keçirilməsi, gələcəkdə inkişaf etdirilməsi və genişləndirilməsi üçün daha əlverişli kənd təsərrüfatı və qeyri-kənd təsərrüfatı müəssisələrinin seçilməsi nəzərdə tutulur.

Xəbər lenti

Xəbər lenti