Azərbaycanın Nazirlər Kabineti AR-də kredit-zəmanət fondunun yaradılması sahəsində maliyyə əməkdaşlığı üzrə hökümətlərarası sazişin imzalanması prosesini sürətləndirməyi həvalə edib.
Cümə günü Nazirlər Kabinetindən Trend ə verilən xəbərə görə, onu Azərbaycan və Almaniya hökümətləri imzalayacaq. Azərbaycan höküməti adından imzalama üçün səlahiyyətlər iqtisadi inkişaf naziri Heydər Babayevə verilib.
2006-cı ilin avqustunda Azərbaycan-Almaniya hökümətlərarası danışıqlar zamanı Almaniyanın KFW inkişaf bankı ilə maliyyələşdirmə və kredit-zəmanət fondunun fəaliyyəti üçün xüsusi şərtlər haqqında müqavilə imzalanıb.
KFW layihə üçün 4 mln. avro verməyə hazırdır. Bu məbləğdən 3,75 mln. avro fondun yaradılmasına zəmanət qismində, 0,25 mln. avro isə məsləhətçinin xidmətlərinin ödənilməsi üçün ayrılacaq. Fond KFW bankının qərargahında hesablaşma hesabı şəklində fəaliyyət göstərməlidir. Azərbaycan bankları AAA+ reytinqinə malik KFW bankının özünün kredit şərtləri ilə beynəlxalq banklardan borc vəsait ala bilərlər. İlkin mərhələdə fondun həcmi 2,3 mln. avro təşkil edəcək. Kredit-zəmanət fondu bankın kredit xətləri cəlb etməsi üçün limitə malik deyil, lakin ilkin mərhələdə zəmanətin həcmi 500 min avronu ötməyəcək. KFW bankının zəmanətlərinin cəlb olunması zamanı banklar 1 borc alana 150 min avrodan çox məbləğə kredit verə bilməzlər.