Agrolizing ASC yeni aqrotexservis filialları açmaq niyyətindədir. Bu barədə Trend ə çərşənbə axşamı ASC-dən məlumat verilib. Sonuncu dəfə müəssisə Siyəzəndə filial açıb.
"Növbəti filialın Masallıda və Abşeron rayonu ərazisində açılması planlaşdırılır", - deyə ASC-də qeyd olunub.
Artıq müvafiq məktub-müraciətlər rayonların icra hakimiyyətinə göndərilib və onlar filiallar üçün ərazi ayırmalıdırlar.
Hazırda, Masallı və Siyəzən daxil olmaqla, ölkənin bütün bölgələri üzrə ASC-nin 52 aqrotexservis filialı var.
Agrolizing ASC 23 oktyabr 2004-cü il tarixində Azərbaycan prezidenti İlham Əliyevin sərəncamına əsasən yaradılıb. Müəssisənin fəaliyyəti yerli torpaq sahiblərinə lizinq yolu ilə müxtəlif kənd təsərrüfatı texnikasının verilməsi və əldə olunması ilə aqrar sahənin yaxşılaşdırılması və sahibkarlığın dəstəklənməsinə yönəldilib.
