Bakı metropoliteni 2007-ci ildə yol təsərrüfatının tələbatları üçün 220 ton R-50 markalı relsin satınalınması üçün tender elan edib.
Trend xəbər verir ki, tender təkliflərinin qiymətləndirilməsi zamanı üstünlük aşağı qiymətə, yüksək keyfiyyətə, layihənin vaxtında yerinə yetirilməsinə, podratçının analoji layihələrin həyata keçirilməsi sahəsində təcrübəsinə və maliyyə vəziyyətinə veriləcək.
Məhsulun çatdırılması üzrə xərclər göndərənin üzərinə düşür.
Tenderdə iştirak üçün müraciət, bank haqlarının ödənilməsi, tender təklifləri və digər sənədlər ən geci 23 fevral 2007-ci il tarixinə qədər təqdim olunmalıdırlar.
Bank zəmanətləri ən geci 27 fevral 2007-ci ilə qədər təqdim olunmalıdır. Tender təklifləri 28 fevral 2007-ci il tarixində açılacaq.
