2006-cı ilin dekabrında Azərbaycanda kənd təsərrüfatı məhsullarının istehsal qiyməti əvvəlki ayla müqayisədə 1,4%, 2005-ci ilin dekabrı ilə müqayisədə 8,4% artıb.
Trend in Dövlət Statistika Komitəsinə istinadən verdiyi xəbərə görə, dekabrda bitkiçilik və bağçılıq məhsullarının qiymət indeksi noyabrla müqayisədə 102,3 % təşkil edib.
Bu dövr ərzində tərəvəz məhsullarının qiyməti 8,9%, toxumun 1,1%, meyvə və qozun qiyməti 0,6% artıb.
Dekabrda heyvandarlıq məhsullarının qiymət indeksi ötən ayla müqayisədə 100,6% təşkil edib. İribuynuzlu mal-qara və onların məhsullarının qiymət indeksi 0,8%, xırda buynuzlu mal qara və onun məhsullarının qiymət indeksi 0,6%bahalaşıb, diri quş və yumurtanın qiymət indeksi 0,3% aşağı düşüb.
Balıqçılıq məhsullşarının qiyməti stabil olaraq qalıb, meşə təsərrüfatı məhsulları 0,2% ucuzlaşıb.