Fevralın 5-dən 15-nə qədər Almaniyanın KFW inkişaf bankında maliyyə layihələri üzrə baş menecer Mixael Yaintsikanın Azərbaycana səfəri planlaşdırılıb.
KFW Bakı ofisi rəhbəri Natiq Abdullayev çərşənbə axşamı Trend ə bildirib ki, səfərin əsas məqsədi ölkə regionlarında vəziyyətin 2006-cı ildə kənd yerlərinin aqromaliyyələşməsi üzrə alman konsultantları tərəfindən aparılan tədqiqatlara uyğunluğunu aydınlaşdırmaqdır. Azərbaycan-Almaniya hökumətlərarası danışqlarda Azərbaycana aqromaliyyələşmə üçün 6 mln. avro ayrılması barədə razılıq əldə olunub.
Konsultantların tədqiqatlarına əsasən, Şəki, Ləkəran və Gəncədəki kənd yerləri seçilib. M.Yanitsikanın səfəri zamanı ilk növbədə Şəki-Zaqatala və Qazaxdakı kənd yerlərinin tədqiqi nəzərdə tutulur.
N.Abdullayevin sözlərinə görə, aqromaliyyələşmə üçün vəsaitlər regionlarda filial şəbəkəsinə malik Almaniya-Azərbaycan fondunun bank-tərfdaşları vasitəsilə makrokreditlər şəklində bölüşdürüləcək.