Azərbaycan, Bakı/ Trend İ.Xəlilova, İ.Əlizadə/ Azərbaycanın strateji valyuta ehtiyatları 2006-cı ildə 4 mlrd. dollara çatıb. Bunu cümə günü baş nazir Artur Rəsizadə Milli Məclisdə bildirib.
"Ölkənin ödəmə qabiliyyəti ildən-ilə artır. Xarici borcların valyuta ehtiyatlarının 86 faizini təşkil etməsi buna sübutdur", - deyə o bildirib.
Bu göstərici ölkəyə investisiya yatırımlarının artrılmasına yardım edir. Ötən il bütün maliyyə mənbələri hesabına ölkənin iqtisadi inkişafına 2005-ci ildən 14,8 faiz çox - 6 mlrd. manat vəsait cəlb olunub. Daxili maliyyə yatırımları 2002-ci ildəki 24,8 faizdən ötən il 46 faizə qədər artıb.
Ötən il sahibkarlığın inkişaına yardım üçün ayrılan vəsaitlər də iki dəfə artıb. Milli Fond tərəfindən 2 mindən yuxarı sahibkarlıq subyektinə güzəştli kreditlər ayrılıb.
Xarici ticarət balansı 37,4 faiz artaraq 1,1 mlrd. dollar müsbət saldo ilə 11,6 mlrd. dollara çatıb.
