Azərbaycan,Bakı/müxbir Trend Ü.İsmayılova/Türkiyənin ətraf mühitin mühafizəsi naziri Osman Pepe Azərbaycana səfəri çərçivəsində Azərbaycan Türk Sənayeçi və İş Adamları Beynəlxalq Cəmiyyətində (TUSİAB) görüşlər keçirəcək. Bu barədə cümə axşamı günü TUSİAB-dan məlumat verilib.
Görüşdə TUSİAB üzvləri ilə yanaşı, həmçinin Türkiyənin Azərbaycandakı səfirliyinin nümayəndələri də iştirak edəcək.
Türkiyənin ətraf mühitin mühafizəsi naziri Osman Pepe aprelin 6-da Azərbaycana gələcək. Səfər çərçivəsində O.Pepe Bakıda keçiriləcək ətraf mühitin mühafizəsi beynəlxalq layihənin Olimpiadasında iştirak edəcək. Nazir azərbaycanlı həmkarı Hüseyn Bağırovla görüşəcək. Səfər çərçivəsində hər hansı bir sənədin imzalanması planlaşdırılmır.