Azərbaycan. Bakı/ Trend müxbir S.Əliyev/ Rusiya öz daxili sularında hərəkət üçün icazəni bu ayın sonuna qədər təqdim edəcək. Bu barədə Azərbaycan Xəzər Dövlət Gəmiçiliyindən məlumat veriblər. Naviqasiya martın 31-dən başlanılıb.
Rusiya tərəfinə artıq gəmilərin keçidinin mümkün qrafiki göndərilib. Gəmiçilik bütün yük gəmilərinə (28) icazə almaq niyyətindədir. İcazənin son həddi isə Rusiya tərəfindən asılıdır.
Bu günə Azərbaycan gəmilərin Rusiyanın daxili sularında hərəkətinə icazə ilə bağlı məsələ dəyişilməz olaraq qalır. Bir gəmi Xəzər dənizinə və daha sonra daimi iş yeri olan Qara dənizə yalnız bir dəfə keçə bilər. Bu problemi həll etmək üçün Rusiya qanunvericiliyinə dəyişiklik etmək lazımdır.
2006-cı ildə Gəmiçilik Rusiyanın daxili sularında hərəkət üçün 14 gəmiyə 25 icazə alıb. 11 icazə Xəzərə gəliş, 14 icazə isə Xəzərdən çıxış üçün alınıb.
İcazə alınmasına baxmayaraq, Azərbaycan Rusiyanın daxili sularında hərəkət üçün uzunmüddətli müqavilənin bağlanacağına ümid edir. Bu məsələnin həll olunması üçün Rusiyanın qüvvədə olan qanunvericiliyində (Dəniz Məcəlləsi) dəyişiklik edilməlidir.
Hazırda Azərbaycan gəmilərinin Rusiyanıln daxili sularında keçid haqqı 20-25 min dollar təşkil edirsə, Rusiya gəmilərinə bu 5-6 min dollara başa gəlir. Bu yolla Azərbaycan gəmilərinin hərəkəti Rusiyanın kanal xidmətlərinə böyük qazanc gətirir.
