Azərbaycan, Bakı / müx. Trend S.Babayeva/ Azərbaycanın Kənd Təsərrüfatı Nazirliyinin mütəxəssisi orqanik kənd təsərrüfatına həsr olunmuş elmi konfransda iştirak edib. Nazirlikdən verilən məlumata görə, Türkiyədə keçirilən bu konfrans quraqlıq regionlarda kənd təsərrüfatı araşdırmaları Beynəlxalq Mərkəz (İCARDA) tərəfindən təşkil olunub.
Konfrans zamanı kənd təsərrüfatı bitkilərinin orqanik yolla yetişdirilməsi və bu məhsulların qiymətlərinin tənzimlənməsi müzakirə edilib. İş ondadır ki, son zamanlar bu növ məhsullara maraq get-gedə artır.
Lakin Kənd Təsərrüfatı Nazirliyində bildiriblər ki, Azərbaycan orqanik kənd təsərrüfatına geniş maraq yoxdur. "Bu cür məhsulların yetişdirilməsi baha başa gəlir. Nəticədə bu, həmin məhsulların qiymətinə təsir edir. Digər tərəfdən ziyanverici həşəratlarla mübarizə orqanik kənd təsərrüfatı məhsullarını yetişdirməyə imkan vermir" - deyə nazirlikdən qeyd ediblər.
