Azərbaycan,Bakı/müxbir Trend İ.Xəlilova /Yanvar-martda Azərbaycanda ÜDM keçən ilin analoji göstəricisi ilə müqayisədə 39,7 faiz artıb. Bu barədə Dövlət Statistika Komitəsindən məlumat verilib.
Cari qiymətlərdə ÜDM göstəricisi aprelin 1-nə əsasən, 5145,4 mln. manat təşkil edib. Adambaşına düşən ÜDM həcmi 610,8 manat ($702,3) təşkil edib.
Ölkənin ÜDM - də istehsalat payı keçən ilin analoji dövrü ilə müqayisədə 53,7 faiz artıb və 72,9 faiz (3752,7 mln. manat) təşkil edib. Xidmətlər sahəsində əlavə dəyər keçən ilin yanvar-martı ilə müqayisədə 9,8 faiz artıb, ÜDM-də xüsusi çəkisi 4,4 faiz bənd azalaraq 20 faiz təşkil edib.
Məhsul və idxaldan təmiz vergi ÜDM-də 7,1 faiz təşkil edib.
Bu dövr ərzində sənayedə ÜDM 3341,4 mln. manat olub, bu da ümumi ÜDM-in 64,9 faizini təşkil edir. Kənd təsərrüfatı, ovçuluq sahəsi və meşəçilikdə əlavə dəyər 99,1 mln. manat (1,9 faiz), tikinti sahəsində - 312,2 mln. manat (6,1 faiz), nəqliyyat sahəsində - 250,3 mln. manat (4,9 faiz), rabitə sahəsində - 77,5 mln. manat (1,5 faiz), topdan və pərakəndə satış, avtomobil sahəsi, məişət avadanlıqları və şəxsi istifadə predmetlərinin təmiri üzrə xidmət sahəsində - 307,4 mln. manat (6 faiz), restoran və mehmanxana sahəsində - 33,4 mln. manat (0,6 faiz), sosial və digər xidmətlərin göstərilməsində -361,3 mln. manat (7 faiz) təşkil edib.
