Azərbaycan,Bakı/müxbir Trend İ.Xəlilova/ Azərbaycanın Milli Bankında (AMB) bank rəhbəri Elman Rüstəmovun Dünya Bankının (DB) aparıcı iqtisadçısı Kristian Kostopolusun rəhbərlik etdiyi missiya ilə görüşü keçirilib. Bu barədə çərşənbə axşamı AMB-nin mətbuat xidmətindən məlumat verilib.
E.Rüstəmov Azərbaycanda cari makroiqtisadi proseslər, inflasiya və büdcə prosesləri, manatın kursunun dəyişilməsi barədə məlumatlandırıb. Bu istiqamətdə əməkdaşlığın davam etdirilməsinin vacibliyi qeyd olunub. DB missiyasının rəhbəri müzakirələrin aparıldığı büdcə formalaşdırılmasında və prioritetlərin müəyyənləşdirilməsində Çili təcrübəsinin təqdimatını keçirib.
