Azərbaycan, Bakı/ Trend müxbir İ.Xəlilova/ Azərbaycan hökuməti ilə Garadagh Cement-in əsas səhmdarı olan İsveçrənin Holcim şirkəti arasında zavodun səhmlərinin 20 faizinin "Azərbaycan investisya şirkəti" SC-yə (AİŞ) verilməsi barədə razılığa gəlinib. Bu barədə AİŞ-in icraçı direktorunun müavini Riad Qasımov bildirib.
Onun sözlərinə görə, saziş 2007-ci ilin sonuna kimi baş tutacaq. İnvestisiya şirkətinə Holcim AYİB-in səhmdarlar sırasına daxil olana qədər səhib olduğu 89,4 faizlik paydan 20 faiz veriləcək. 2006-cı ildə Avropa bankının Direktorlar Şurası 10 mln. dollar müqabilində 20 faiz pay əldə etmək barədə qərar verib və bu il bank səhmdarlar sırasına daxil olub.
AİŞ hətta Garadagh Cement-də iştirak payına bazar qiymətləri ilə nail olmaq niyyətindədir və bu istiqamətdə hökumətlə Holcim arasında danışıqlar aparılır. Garadagh Cement quru texnologiya əsasında istehsala keçməyi planlaşdırır. Layihənin ümumi qiyməti 13,3 mln. dollar dəyətində müəyyən olunub. Əsas məqsəd isə ətraf mühitə təsiri azaltmaqdır. Bütün bu tədbirlər AYİB-in bu layihədə iştirak şərti kimi ətraf mühitə dair fəaliyyət planına daxildir.
Holcim Garadagh Cement-i 1996-cı ildə özəlləşdirib.
