Azərbaycan, Bakı/ Trend müxbir S.Əliyev/ Azərbaycan Dövlət Xəzər Dəniz Gəmiçiliyi Aktau (Qazaxıstan) limanından Bakıya yük daşımalarını əhəmiyyətli dərəcədə artıracaq böyük bərələrin alınması məsləsinə baxır. Bu barədə çərşənbə axşamı Gəmiçiliyin sədr müavini Muxtar Axundov bildirib.
Hazırda iki bərənin alınmasıl məsələsinə baxılır. Bu bərələrin Xorvatiyada istehsal olunacağı gözlənilir. Hazırlanan bu bərələr vasitəsi ilə 57-58 vaqondan ibarət olan qatarların daşınması mümkün olacaq ki, bu da konteyner daşımalarının həcmini artıracaq. Hazırda isə yalnız 27-28 vaqonu daşımaq mümkündür. Hazırda Gəmiçilik sərnişin, yük və dəmiryol qatarlarının daşınması üçün 7 "Dağıstan" tipli bərədən istifadə edir. Ekspertlərin hesablamamlarına görə, yeni bərələrin alınması illik konteyner daşınmasının ilkin mərhələdə illik 10 min, daha sonra isəı 50 min ədədə çatdırılmasına imkan verəcək. Hazırda isə Bakı beynəlxalq ticarət dəniz limanından il ərzində 500 ədəd konteyner daşınır.
Hazırda Aktau-Almatı limanına gələn qatarlar 57 vaqondan ibarətdir. Gəmiçilik isə 28 vaqondan artıq qəbul edə bilmir. Digər bir problem isə Azərbaycan və Gürcüstan dəmir yollarında neft daşımaları ilə əlaqədar yükləmələrin olmasıdır.
