Azərbaycan, Bakı / Trend / Bakının torpaq bazarında apreldə orta qiymətlər bir sot üçün 19935 dollar təşkil edib. Belə nəticəyə "Daşınmaz əmlak bazarının iştirakçıları" təşkilatı aprel ayında apardığı monitorinqin yekunlarına əsasən gəlib.
Martla müqayisədə qiymət artımı 1,3 faiz təşkil edib. Bu, 2006-cı ilin martında qeydə alınan göstəricidən 2,4 faiz çoxdur.
Apreldə şəxsi evlərin orta qiyməti 214324 dollar təşkil edib. Bu, mart ayının göstəricisindən 0,4 faiz çoxdur. Şəxsi evlərin qiymətlərinin artması tikinti materialları və torpaq bazarındakı qiymət artımı ilə əlaqəlidir.
Satış məqsədilə təklif olunan şəxsi evlərin sahəsi təqribən 4,7 sot, otaqların sayı isə 2-3 olub.
