Azərbaycan, Bakı /müx. Trend İ.Xəlilova / 2007-ci il və növbəti illərdə ölkəyə böyük həcmdə xarici valyutanın axınını nəzərə alan Azərbaycan Milli Bankı (AMB) inflyasiyaya təzyiqi azaltmaq məqsədilə kapitalın hərəkətinin liberallaşdırılması ilə bağlı hazırlıq tədbirlərini yekunlaşdırmaq üzrədir. Bu haqda AMB-dən verilən məlumatda bildirilir. Hazırda spekulyativ kapitalın hərəkətini məhdudlaşdırmağa və yetərli effekti əldə etməyə imkan verəcək ən optimal model hazırlanır.
İlk növbədə qiymətli kağızların alınması məqsədilə fiziki şəxslərə kapitalın ölkədən çıxarılmasına icazə veriləcək. MBA icazəni yalnız yüksək reytinqə malik şirkətlərin, bankların və hökumətlərin qiymətli kağızlarına icazə verəcək. Reytinq "AA"dan aşağı olmamalıdır.
Digər tərəfdən Azərbaycan Respublikasının fiziki şəxsləri Milli Bankın icazəsi olmadan ölkə xaricindəki layihələrə pul yatıra biləcəklər. Bunun üçün AMB-yə məlumat vermək kifayət edəcək.
Kapitalın ölkədən çıxarılmasının normativləri var. Dünya təcrübəsinə əsasən hazırda bu, ölkəyə gətirilən mallara və xidmətlərə görə edilən ödənişlər hesabına həyata keçirilir. Əvvəllər ölkədən nəğd valyutanın çıxarılmasına qoyulan limitin artırılmasının, xaricdə investisiya yatırımının, yaxud da xarici ölkələrin qiymətli kağızlarının alınmasının mümkünlüyü müzakirə olunurdu. Bu gün hər bir vətəndaş ölkədən 1000 dollaradək rüsumsuz, 10 000 dollaradək məbləği isə rüsum ödəməklə çıxara bilər.
50 000 dollaradək olan məbləği yalnız bank sistemi vasitəsi ilə çıxarmaq olar. Bir şərtlə ki, vətəndaş öz gəlirlərinin mənbəyini göstərsin.
Bir müddət öncə hökumət fiziki şəxslər üçün 1000 dollardan yuxarı olan məbləğə tətbiq olunan rüsumların ləğvi məsələsini müzakirə etmişdi. Bu, Ümumdünya Ticarət Təşkilatının tələblərindən biridir.