Azərbaycan, Bakı/ Trend müxbir İ.Xəlilova/ Mayın 1-nə Azərbaycanda rəsmi olaraq 52 844 nəfər işsiz kimi qeydiyyata alınıb ki, bunların da 51 faizi qadınlardır. Bu barədə çərşənbə axşamı Dövlət Statistika Komitəsindən məlumat verilib. Aprel ayında uşsizlərin sayı 0,7 faiz azalıb. Ölkədə bir vakant yerə 4 işsiz iddia edir.
Hesabat dövründə ölkədə əmək qabiliyyətli insanların sayı 4275,6 min nəfər təşkil edib, onlardan 3985,1 min nəfəri məşğuldur. 1327,2 min nəfər muzdlu işçi var ki, onların da sayı 2,6 faiz artıb.
Muzdla işləyənlərin 22,4 faizi maddi istehsal sahəsində çalışır. Onların 14,1 faizi sənaye, 4,8 faizi tikinti, 3,5 faizi kənd, meşə təsərrüfatı və balıqçılıqda çalışır. İstehsalat sahəsində çalışanların 24,8 faizi təhsil sahəsində, 19,8 faizi topdan və pəkrakəndə satış, avtomobil təmiri, məişət və şəxsi istifadə məhsulları, 10,2 faiz səhiyyə və sosial xidmət, 6,7 faiz nəqliyyat, rabitə, 4,6 faiz daşınmaz əmlak və icarə, 3,8 faiz dövlət idarəçiliyi və müdafiə, 2,1 faiz isə müxtəlif sahələrdə çalışır.
İşsizliyə görə orta müavinət 61,3 manatdır.