Azərbaycan, Bakı /müx. Trend İ.Xəlilova/ Yanvar-aprel aylarında Azərbaycanda ÜDM ötən ilin analoji göstəricisi ilə müqayisədə 37,1 faiz artıb. Dövlət Statistika Komitəsindən verilən məlumata görə, mayın 1-i üçün cari qiymətlərdə ÜDM göstəricisi 6884,2 mln. manat təşkil edib. Adambaşına düşən ÜDM isə 35,5 faiz artaraq 816,8 manata ($940,3) çatıb.
İstehsalatın ÜDM-dəki payı ötən ilin analoji dövrü ilə müqayisədə 50,1 faiz artaraq 72 faiz (4955,3 mln. manat) təşkil edib. Xidmət sektorunda ötən ilin yanvar-aprel ayları ilə müqayisədə əlavə dəyər göstəricisi 10 faiz artıb, ÜDM-dəki xüsusi çəkisi isə 20,8 faizə (1430 mln. manat) bərabər olub.
Məhsul və ixracdan ÜDM-dəki xalis gəlir 7,2 faiz təşkil edib.
Bu müddət ərzində sənayedə ÜDM 4405,7 mln. manat olub. Bu, ümumi ÜDM-dən 64 faiz təşkil edir. Kənd təsərrüfatı, ovçuluq və meşə sektorunda əlavə dəyər 141,2 mln. manat (2,1 faiz), tikintidə - 408,4 mln. manat (5,9 faiz), nəqliyyatda - 342,1 mln. manat (5 faiz), rabitə sahəsində - 107,4 mln. manat (1,6 faiz), topdan və pərakəndə satış, avtomobil sahəsində, məişət malları və şəxsi istifadə üçün nəzərdə tutulan malların təmiri sektorunda - 416 mln. manat (6 faiz), restoran və mehmanxana sektorunda - 43,8 mln. manat (0,6 faiz), göstərilən sosial və digər xidmətlərdə- 520,7 mln. manat (7,6 faiz) olub.
Neft hasilatının 62,9 faizlik artım fonunda ÜDM-dəki xüsusi çəkisi 59,6 faiz təşkil edib. Qeyri-neft sektorundakı əlavə dəyər 7,8 faiz artaraq ÜDM-dən 33,2 faiz təşkil edib.
