Azərbaycan,Bakı/müxbir Trend İ.Xəlilova/ Almaniyanın Texniki Yardım Cəmiyyətinin (GTZ) Azərbaycanda ixrac alyanslarının yaradılması üçün texniki yardım çərçivəsində iyunun 8-də Bakıya alman məsləhətçisi göndəriləcək. Bu barədə çərşənbə günü Azərbaycanın İxracın və İnvestisiyaların Təşviqi Fondunun (AZPROMO) prezidenti Emil Məcidov məlumat verib.
Onun səfərinin birinci həftəsindən meyvə şirələri ixracatçılarının alyansı fəaliyyətə başlayacaq. Məcidovun sözlərinə görə, GTZ ilə konkret fəaliyyət planı barədə razılıq əldə olunub. Alyansın işə salınmasından sonra ay ərzində şirkətlərin marketinq alətlərinin (kataloq, veb-sayt) işlənməsi də daxil olmaqla tədbirlər təşkil olunacaq. Yayın sonundan etibarən ilkin olaraq ixracat alyanslarının fəaliyyət göstərdiyi Almaniyada keçirilməsi nəzərdə tutulan treninqlərin təşkili üzrə fəal iş başlayacaq.
Şirə istehsalçılarının səylərinin birləşdirilməsində əsas məqsəd şirə istehsalı sahəsində çoxdandır ki mövcud olan problemlərin həll olunmasıdır. Problemlər arasında standartlar texnologiyalarıdır. Bu gün Azərbaycanda istehsalat müasir texnologiyalara riayət olunmadan həyata keçirilir və onlar müasir standartlara cavab vermir.
Alyansın yaradılması ilə konkret istehsalçıların şirələrini ayrıca reklam etməmək üçün vahid Azərbaycan brendi tətbiq olunacaq. Brend Avropa standartarına uyğunluğu təsdiq edən keyfiyyət nişanı alacaq. Alyans həmçinin marketinqlə və Azərbaycan şirələrinin xarici bazarlara çıxarılması ilə məşğul olacaq.
AZPROMO rəhbəri alyansın hüquqi qeydiyyata alınmasında və digər alyanslar - fındıq ixracatçıları və neft-qaz sahəsində xidmətlər alyanslarının yaradılması üzrə prosesin sürətləndirilməsinə hələ ki, ehtiyac görmür.
