...

Azərbaycan Banklar Assosiasiyası strateji inkişaf planı və yeni nizamnamənin təsdiqi üçün çağırılacaq konfransın tarixini dəqiqləşdirir

Biznes və iqtisadiyyat xəbərləri Materials 24 May 2007 16:57 (UTC +04:00)

Azərbaycan, Bakı/ Trend müxbir İ.Xəlilova/ Azərbaycan Banklar Assosiasiayasının (ABA) yeni nizamnaməsinin iyun ayının üçüncü ongünlüyündə ABA-nın ümumi yığıncağında təsdiq olunacağı gözlənilir.

Bu barədə cümə axşamı Assosiasiyanın icraçı direktoru Fərhad Əliyev məlumat verib. Hazırda bu məsələ ilə əlaqədar konfransın keçirilmə tarixi müəyyənləşdirilir.

Hər iki sənədin konfransda təsdiq olunacağı gözlənilir.

Yeni nizamnamə layihəsinə əsasən, rəyasət heyəti və ABA auditor komitəsi beş il müddətinə çağırılacaq. Rəyasət heyətinin toplantısı rübdə bir dəfədən az olmayaraq keçirilməlidir.

Sənəd ABA rəyasət heyətinin aprelin 20-də baş tutan növbədənkənar toplantısında ilkin baxışdan keçib. "Bank və biznes" jurnalının son nömrəsində nizamnamə layihəsinin və 2007-2011-ci illər üçün əsas fəaliyyət və institusional inkişaf istiqamətinin çap olunması planlaşdırılır. Bu, eyni zamanda banklara ictimaiyyətdən də şərhlər almağa yardım edəcək ki, bunlar da nəzərə alınacaq, deyə Əliyev bildirib.

Rəyasət heyətinin bir çox üzvləri Agrar-credit, MBA, AzərigazBank, Kapital Bank, Bank of Baku, Bank Standard, AmraxBank, Bank Respublika, Qafqaz İnkişaf Bankı nizamnamənin ümumi yığıncağın müzakirəsinə çıxarılması barədə qərar qəbul edib. Bununla yanaşı, onlar konfransa qədər nizamnaməni bir az da təkmilləşdirmək məqsədilə ictimaiyyətin müzakirəsinə çıxarmağı qərara alıblar.

Xəbər lenti

Xəbər lenti