...

Anglo Asian Mining-ə yeni qeyri-icraçı direktor təyinat alıb

Biznes və iqtisadiyyat xəbərləri Materials 4 İyun 2007 15:55 (UTC +04:00)

Azərbaycan, Bakı /müx. Trend S.Babayeva/ Azərbaycanda qızıl və mis hasilatı layihələrini həyata keçirən Anglo Asian Mining şirkəti yeni qeyri-icraçı direktorunun təyinatı ilə bağlı elan verib.

Şirkətin yaydığı məlumata görə, yeni direktor 64 yaşlı Xosrov Zamanidir (Khosrow Zamani). Zamani əvvəllər Cənubi Avropa və Orta Asiya Beynəlxalq Maliyyə Korporasiyasının direktoru vəzifəsində çalışıb.

Bu gün şirkətin direktorlar şurasına qeyri-icraçı sədr Qrehem Maskall (Graham Mascall), prezident Riza Vaziri (Rza Vəziri), baş icraçı Qordon Lyuis (Gordon Lewis), maliyyə direktoru Riçard Raund (Richard Round), qeyri-icraçı direktorlar Ross Bappu (Ross Bhappu), Tim İqqar (Tim Eggar), Con Sununu (John H. Sununu) və yeni təyin olunmuş Xosrov Zamani daxildir.

Anglo Asian Mining PLC Azərbaycan hökuməti ilə imzalanmış saziş əsasında ölkənin cənub-qərbində 6 yatağın istismarına dair hüquqa malikdir. Bunlar Gədəbəy, Ordubad, Qoşa Bulaq, Qızıl Bulaq, Vəjnəli və Söyüdlü yataqlarıdır.

Xəbər lenti

Xəbər lenti