Azərbaycan, Bakı /müx. Trend İ.Xəlilova/ "Bakı-Tbilisi-Qars dəmir yol xəttinin bərpası layihəsi üzrə Dövlət Komitəsinin növbəti iclası 8 iyun tarixində baş tutacaq" - deyə nəqliyyat nazirinin müavini Musa Pənahov bildirib. İclasda Azərbaycan tərəfindən Qurban Nazirovun namizədliyinin təsdiq olunması gözlənilir. Görüşdə həmçinin Qars-Axalkalaki yolunun hazırkı vəziyyəti, Koordinasiya Şurasının yaradılması, layihənin reallaşması üzrə nəzarətçi qrupun yaradılması məsələləri müzakirə olunacaq. Pənahovun sözlərinə görə, dəmir yol xəttinin Gürcüstan hissəsinin maliyyələşdirilməsi məsələsi, "Mardaba-Qars dəmir yol xətti" MMC-nin fəaliyyəti də iclasın gündəliyinə daxil edilib. Azərbaycan Neft Fondundan Gürcüstan hissəsinin maliyyələşdirilməsi üçün $200 mln. ayrılması planlaşdırılır, bu məbləğin (50 mln. manat) bir hissəsinin 2007-ci ildə ayrılması planlaşdırılır.
İyun ayında "Yuksel Domonik" türk şirkətinin layihənin tam sənədləşməsini təqdim etməsi gözlənilir, iyul ayında tenderin elan edilməsi mümkündür. Azərbaycan prezidentinin "Bakı-Tbilisi-Qars yeni dəmir yol xətti layihəsinin həyata keçirilməsi çərçivəsində görüləcək tədbirlər haqqında" sərəncamına əsasən, nəqliyyat naziri Ziya Məmmədovun başçılığı ilə dövlət komissiyası yaradılıb.
