Azərbaycan, Bakı/müx. Trend Ü.İsmayılova/ Cümə axşamı "MBASK" sığortia şirkətinin İdarə Heyətinin sədri və Təşkilat Komitəsinin üzvü Cəmil Məlikovun bildirdiyinə görə, cümə günü Azərbaycan Sığortaçılar Assosiasiyasının Nəzarət Şurasının seçkisi keçiriləcək. Seçkilərin keçirilməsi barədə qərar 5 sığorta şirkətinin daxil olduğu ("MBASK", "Standard İnsurance", Beynəlxalq Sığorta Şirkəti, "Azerisığorta", "Ateshgah") Assosiasiyanın mayın18-də keçirilən iclasında qəbul olunub.
Seçkilərdə Azərbaycanda fəaliyyət göstərən 29 sığorta şirkətinin hər birinin iştirak edəcəyi gözlənilir. Məlikov qeyd edib ki, iclasda seçkilərlə yanaşı həmçinin Assosiasiyanın smetası da müəyyən olunub ki, bunan sonra smeta bərabər paylanacaq və üzvlük haqqı müəyyən ediləcək.
Assosiasiyanın hər beş üzvü 1 il müddətində növbə ilə Assosiasiyaya sədrlik edəcək.
Assosiasiyanın büdcəsi toplanan icbari və üzvlük haqlarından formalaşdırılacaq.
Büdcə bərabər bölünəcək və onun yarı hissəsi icbari haqların hesabına formalaşdırılacaq.
Büdcənin ikinci hissəsi əlavə müəssisələrin təşkili üçün nəzərdə tutulub və tədricən müntəzəm və hissəvi haqların hesbına formalaşdırılacaq.
