Azərbaycan, Bakı/ Trend / Yanvar-aprel ayları ərzində Azərbaycana 9 min 665 minik avtomobili idxal olunub ki, bu da ötən ilin müvafiq dövründən 7,4% azdır.
Dövlət Statistika Komitəsinin məlumatına əsasən, yanvar-aprel ayları ərzində gətirilmiş minik avtomobillərinin dəyəri ötən ilin müvafiq dövründən 21,2% çox, 74,545 mln. dollar təşkil edib.
Yanvar-aprel aylarında Azərbaycana yük avtomobillərinin idxalı 3 min 129 ədəd təşkil edib. Bu göstərici ötən ilin müvafiq dövründən 63,6 faiz çoxdur. Avtomobillərin ümumi dəyəri ötən ilin eyni dövründən 77,5% çox, 27,9 mln. dollar olub.