Azərbaycan, Bakı/ Trend müxbir Ü.İsmayılova/ Birinci yarımildə A-GROUP sığorta şirkəti tərəfindən yığılan sığorta pulunun həcmi 2,885 mln. manat təşkil edib ki, bu da 2006-cı ilin müvafiq dövründəki göstəricini 27,8 faiz üstələyir. Bu barədə şirkətin məlumatında göstərilir.
Intensiv artım avtomobil və əmlak sığortası sahəsində müşahidə olunur.
A-Group-da yanvar-iyun aylarında avtomobillərin kompleks sığortası üzrə sığorta gəlirləri 3,5 dəfə artaraq 275 790 manat təşkilı edib.
Könüllü əmlak sığortası üzrə sğorta gəlirlərinin həcmi ötən ilin müvafiq dövrü ilə müqayisədə 4 dəfə artıb.
Birinci yarımildə A-GROUP 1,257 mln. manat məbləğində ödəniş həyata keçirib.
2007-ci ilin iyul ayının 1-nə şirkətin nizamnamə kapitalı 1,55 mln. manatdır.
