Azərbaycan, Bakı/ Trend / Bakı Fond Birjasında Maliyyə Nazirliyinin 10501315S saylı dövlət qeydiyyatından keçmiş qısamüddətli dövlət istiqrazlarının (QDİ) əlavə yerləşdirilməsi üzrə hərrac keçirilib. Bu barədə birjanın yaydığı məlumatda göstərilib.
Sifarişlər 6 investor tərəfindən təqdim olunub. Sifarişin nominal üzrə ümumi məbləği 7 299 800 manat təşkil edib. Sifarişlər 92.46% (gəlirlilik 11.49%) və 92.64% (gəlirlilik 11.20%) qiymət intervalında təqdim olunub.
İstiqraz vərəqələrinin rəqabətli sifariş üzrə kəsmə qiyməti - 92.52% (gəlirlilik 11.39%) orta ölçülmüş qiymət - 92.61% (gəlirlilik 11.25%) səviyyəsində Maliyyə Nazirliyi tərəfindən müəyyən edilib.
İstiqrazların nominal üzrə reallaşdırılmış həcmi 3 988 600 manat məbləğində, 696 600 AZN məbləğində isə qeyri-rəqabətli sifarişlər daxil olmaqla müəyyən edilib.