Azərbaycan, Bakı, /müx. Trend S.Babayeva/ Dövlət Statistika Komitəsinin verdiyi məlumata görə, yanvar-iyul ayları ərzində Azərbaycanda pərakəndə ticarət dövriyyəsi 4,1 mlrd. manat təşkil edib ki, bu da 2006-cı il göstəricisindən 14,6% çoxdur.
Ticarət dövriyyəsinin 16,1 faizi hüquqi şəxslərin payına , 48,2 faizi bazar və yarmarkalarda fəaliyyət göstərən fiziki şəxslərin , 35,7 faizi ticarətlə məşğul olan sahibkarların payına düşür.
Bu dövr ərzində ölkənin ticarət şöbəkələri tərəfindən əhaliyə 2,7 mlrd. manat həcmində qida məhsulları, 1,4 mlrd. manat həcmində qeyri-qida məhsulları satılıb, müvafiq olaraq artım 12,2 və 19,6% təşkil edir.
Yeddi ay ərzində əhaliyə 1,2 mlrd. manat həcmində və ya 32,7%-dən çox pullu xidmət göstərilib.
Göstərilən xidmətlərin 75,3%-i hüquqi şəxslərin, 24,7%-i fiziki şəxslərin payına düşür. 2006-cı ilin eyni dövrü ilə müqayisədə artım 34,1 və 28,5 faiz təşkil edib.
