Azərbaycan, Bakı / Trend , müxbir İ.Xəlilova /Azərbaycanın İqtisadi İnkişaf Nazirliyinin İnvestisiya Siyasəti Şöbəsinin rəisi Əsgər Ələkbərovun verdiyi məlumata görə, Avropa Komissiyası üç il ərzində Azərbaycana energetika və dövlət idarəetməsi sahəsində 14 mln. avro həcmində qiymətləndirilən maliyyə vəsaiti hesabına yardım etməyə hazırdır. Bu, Avropa Qonşuluq Siyasəti çərçivəsində, Azərbaycana təklif olunan və 2007-ci ilin indikativ proqramına daxil edilən yeni alətdir.
Ələkbrovun sözlərinə görə, yeni tranş ölkəyə 2008-ci ildə təqdim olunacaq, ikinci tranşın 2009-cu ildə təqdim olunacağı gözlənilir. Kreditlər təqdim olunmazdan əvvəl hökumət qarşısında qoyulacaq şətrləri yerinə yetirilməlidir. Hər il 3 mln. avronun ayrılacağı nəzərdə tutulur.
Onun sözlərinə görə, Aİ-də ilkin şətrlər artıq müzakirə olunub və bu şərtlər qanunvericilik və intitusional sahədə dəyişikliklərin edilməsini nəzərdə tutur.
"Enegetika sahəsində islahatların keçirilməsi, xüsusilə tənzimləyici orqanların yaradılması təklif olunur" - deyə Ələkbərov bildirib.
