Azərbaycan, Bakı/ Trend müxbir S.Əliyev/ "BP Azerbaijan" şirkətindən verilən məlumata görə, 2007-ci ildə şirkət "Azəri" yatağından Azərbaycana planlaşdırılan 1,4 mlrd. kubmetrlə müqayisədə 2,2 mlrd. kubmetr qaz verəcək.
Qaz hasilatının həcmi Azərbaycan Beynəlxalq Əməliyyat Şirkəti (ABƏŞ) və Azərbaycan Respublikası Dövlət Neft Şirkəti (ARDNŞ) arasında bu ilin əvvəlində imzalanmış razılığa uyğun olaraq artırılır.
2007-ci ilin birinci yarısında ABƏŞ ARDNŞ-a sutkada 8 mln. kubmetrə yaxın qaz təhvil verib.
Bu illin əvvəlindən " Mərkəzi Azəri", "Qərbi Azəri" və "Şərqi Azəri" platformalarında hasil olunan səmt qazı 28 dyümlük dəniz qaz kəmər vasitəsilə Səngəçal terminalına çatdırılır, bu terminaldan isə daxili bazarda istifadə məqsədilə milli qazpaylaşdırıcı şəbəkəyə daxil olur.
"Çıraq" platformasından hasil olunan səmt qazının bir hissəsi 16 dyümlük dəniz qaz kəməri ilə ARDNŞ-ın "Neft Daşları"nda yerləşən kompressor stansiyasına yönəldilir.